Wednesday, April 2, 2008

Пиг дүүрэн

Манай сансарын гудамж пиг дүүрэн. Бодвол FOOL"S DAY тэмдэглэж байгаа юм байлгүй. Хар зах дээр хүнтэй зөрөхөөс ч хэцүү байлаа өчигдөр орой харих замд. Өнөөдөр бас л пиг дүүрэн. Ямар нэгэн баяр сэтгээд олчихсон л байх л даа. Маргааш ч адилхан байх байх. Саяхан ОЮУНТАНууд амралтаараа автобусанд үнэгүй зорчих болж, тэрийг нь УЛСаас төлж байхаар боллоо гэсэн БАЯРтай мэдээ сонссон. Манай ОЮУНТАНууд үнэхээр ухаантай, сэргэлэн хүмүүс. Яаж ийж байгаад л хот дотор зорчих мөнгөө бусдаараа төлүүлж дөнгөнө. Бас хөөрхий их ядуу юм шиг байгаа юмаа орой болгон ГУДАМЖ ДҮҮРГЭДЭГ. Голдуу хөдөөний байрын сайхан улаан хацралсан ОЮУНТАНуудаар хотын гудамж орой болгон дүүрэн. Орой гарахад хот, хөдөөнийх нь ямар ч хамаа байхав. Хөөрхий тэд чинь амралтаараа гэртээ харих мөнгөгүй болохоороо бусдаараа төлүүлдэг шүү дээ. ОЮУНТАНууд ухаантай л хүмүүс. Манай ӨНДӨР УУЛАНД АВИРДАГ хэд ч гэсэн ухаантай л хүмүүс. ОЮУНТАНуудын замын зардалыг төлнө гэж хэлээд саналыг нь авч дөнгөнө. Тэр их саналаар зорилгодоо хүрээд мэдээж хэлсэн амандаа хүрнэ. ОЮУНТАНууд харин хотын гудамж дүүргэнэ. Бусад хүмүүс бол ёстой тэнэг. Ажиллаад л байна. Алхаад л байна. Амьдрах гээд л яваад байна. Эцэст нь ОЮУНТАНуудын замын зардлыг нь төлөх юмдаа. Орой болгон хотын гудамж ОЮУНТАНуудаар пиг дүүрэн

Thursday, February 14, 2008

Бид бүгд л биеэ үнэлэгч

Сүүлийн үед хүний наймааны талаар хүмүүс их ярих болжээ. Хаа сайгүй л хүний наймаа. Урд нь ярьж л байдаг байсан ч хэн ч тоодоггүй байсан. Энэ удаагийнх миний ойлгосноор Ардчилсан намын улс төрийн шоу байдлаар гарч ирсэн болохоор илүү дуйлаантуулсан байх. Гэхдээ энэ бол сайн. Ямар ч байсан сайн гэж бодож байна. Дуугүй суугаад дундаасаа хэн нэгнийгээ хулгайлуулж байснаас шоудаж байгаад ч гэсэн авч үлдсэн нь дээр. Уучлаарай шоу биш байх л даа. Миний хувьд "Human trafficking" гэдэг кино л лав мартагдахгүйгээр нөлөөлсөн. Миний болгоомжлох, сэрэмжлэх сэтгэлийг төрүүлсэн гэхүүдээ.
Тэгээд саяхан зурагт үзэж суутал ийм гэмт хэргийг таслан зогсоох, урьдчилан сэргийлэх талаар үйл ажиллагаа явуулдаг нэгэн төрийн бус байгууллагын ажилтан ярилцлага өгч байна. Тэрээр манай нийгэм хохирогч бүсгүйчүүдийг биеэ үнэлэгч, янхан хэмээн ад үзэн улам бүр нийгмээс таслан, би угаасаа л ийм хүн шүү дээ, миний хувь заяа ийм гэж бодоход хүргэдэг гэнээ. Энэ нь гэмт хэргийг амьтай голтой оршин тогтноход сайнаар нөлөөлдөг юм байх. Яг ингэж хэлээгүй ч ийм утгатай. Эндээс би яагаад тэдгээр бүсгүйчүүдийг ад үздэг байна гэж бодсоноо ер нь тэгээд ч биеэ үнэлэгч гэдэг муухай, муу үг юм уу гэж бодлоо. Янхан гэдгийг нь мэдэхгүй юм.
Миний бодлоор бид бүгд л биеэ үнэлэгч. Хүн бүр л хэн нэгэнд хэрэгтэй байгаа, өөрийн хийж чадах зүйлийг хийж амьдардаг. Миний хувьд би компьютер дээр бага сага юм хийгээд л амьдрах гээд л явж байна. Би миний хийсэн зүйл хэрэгтэй байгаа хүмүүст биеэ л үнэлж байгаа, өөр юу ч хийгээгүй. Энийг уншиж байгаа өөрөө ч гэсэн ямар нэгэн газар биеэ үнэлээд л явж байгаа. Тоо боддог бол би чамд өдөрт 8 цагаар тоо бодож "биеэ зориулъя" чи надад сард тэдэн төгрөг өг. Яг л ийм тохиролцоогоор л явагддаг. Бидний хэд нь биеэ үнэлдэггүй юм гэж тоолбол амархан дуусна. Дуусна ч гэж эхэлж ч чадахгүй. Яагаад гэвэл тийм хүн байхгүй юм чинь.
Биеэ үнэлдэггүй хүн гэвэл "Эзэн хаан" л байх. Биеэ үнэлдэггүй тийм хүн ер нь байвал тэр хүнийг л би хамгийн бэртэгчин, цус сорогч хувалз шиг миний мэдэх муу хүний тодорхойлолтонд багтах хүн гэж үзнэ. Яагаад гэвэл тэр хэн нэгэнд хэрэгтэй юм хийгээд мөнгө олоогүй зүгээр л бусдын бүтээсэн баялгаас хуваалцаад, идээд амьдарч байна гэсэн үг. Төрснөөсөө хойш одоо хүртэл юм идээгүй л гэхгүй л бол. Тийм хүн байвал л харин ад үзэж нийгмээсээ шахаж гаргах хэрэгтэй. Харгис ч гэсэн шахаж гарга.
Харин бидний биеэ үнэлэгч гээд байгаа бүсгүйчүүдийг гадуурхаад хэрэггүй ээ. Бид нартай л адил. Тэд нар ч, би ч адилхан биеэ үнэлээд л амьдарч байна. Таньд хэрэггүй бол үйлчилгээг нь л авахгүй болчих. Үйлчилгээг нь авахгүй болбол харин энэ төрлийн бизнес ашиггүй болж хүний наймаа багасах байх. Тэгээд ч тэд нар чинь "Хүний наймаа"-ны хохирогч болоод өмгөөлж хамгаалах хүнгүй явж байгаа улс.